دي حياتي

دي حياتي وبتخلص دقيقة في دقيقة
ومش فاهمة اللي بيحصل ده حلم ولا حقيقة
وساعات العمر يخلص في نومي بحلم بيك
وساعات اصحى بدور عليك. بفكر فيك.

اشد نفسي بعيد عنك
واقول يمكن اوحشه ويفتكر
واسال عليك صورتك وصوتك
اسال عليك غنوتك

القيك لسه غايب ولا بتسال
ولا بتشتاق ولا بتحس
ضحكتي تضيع وقلبي ينكسر
واحس اني بموت. بتقتل.

واكتبلك شعر واكتبلك كلام
لكنك ولا تستاهل زجل ولا تستاهل غرام

وترجع تنده، تنطق اسمي
يرجع قلبي سليم
اقول بكره هتفهم. هتهم.
وارجع اقول المسامح كريم.

Subscribe to our mailing list