إزاى تتأكدى من إن عربيتك جاهزة للسفر
للبنات فقط (بهزر طبعا الولاد كمان ممكن يستفيدوا جدا)
إزاى تتأكدى من إن عربيتك جاهزة للسفر
كل نص أغسطس وانتوا طيبين :D لو مسافرين الويك إند ده فى كام حاجة لازم تتأكدوا منها فى العربية قبل الخروج على طريق السفر (وأكيد طبعا فى غير أوقات السفر كمان).
للأسف الشديد ناس كتير مبتاخدش بالها من إن العربية مش مجهزة لطريق السفر، والكلام ده ينطبق على البنات والشباب من الجنسين، وكتير جدا بيفتكروا إن العربية لو جديدة أو زيرو ممكن نسافر بيها من غير فحص. وده خطأ تماما. فى كل مرة وانتم مسافرين لازم فحص العربية والتأكد من سلامتها وقدرتها على الخروج على الطريق.
أفحص العربية إزاي؟
خطوات سهلة وبسيطة وممكن تتعمل كلها فى محطة البنزين. أنا شخصيا بفضل محطات بنزين توتال، (البوست ده مش إعلان أنا فعلا بحب المحطة دي) ولأسباب كتيرة أولها وأهمها طبعا "ستارباكس" :Dوحاجة ظريفة برضه إنهم بيقدموا كل الخدمات فى محطة واحدة.
1. تغيير الزيت والكشف عن السوائل:
فى ناس كتير فاهمة -للأسف- إن السائل الوحيد فى العربية هو البنزين، وفى ناس تانية -وأغلبيتهم للأسف برضه بنات- عندهم معلومة إن فى حاجة اسمها زيت، بس هو فين وليه وبيعمل إيه دي مبتكنش معلومة مهمة، هم دول نفسهم بالنسبة لهم المياه للمساحات فقط. واحد من أهم الحاجات اللي لازم الكشف عنها قبل السفر هي نسبة وجودة زيت الموتور ونسبة وجودة المياه الخاصة بدورة التبريد.
الزيت دوره مهم جدا فى العربية، ولو متغيرش فى الوقت الصح ممكن يأثر على أداء العربية. مش بس كده ممكن على المدى الطويل يبوظ الموتور. وده مهم ميحصلش على طريق سفر لأن أداء العربية لو أقل من الطبيعي العربية مش هتستجيب بنفس الشكل وبالتالى ممكن تتسبب فى مشاكل. الأهمية التانية ان ده ميأثرش على عمر الموتور.
المياه طبعا زي ماقلت أهميتها التبريد عشان الحمل على العربية لما بيزيد ممكن تسخن وتقف وممكن الموتور كمان يبوظ.
طيب ازاي نكشف عليهم. بالنسبة للولاد انتوا اكيد عارفين. بالنسبة للبنات (والولاد اللي مش عارفين) سيبوا الموضوع ده لحد متخصص. في معظم محطات توتال (والمحطات التانية كمان) في مكان لتغيير الزيت ونفس الشخص اللي هيغير زيت ممكن يزود المياه.
٢.الكشف على العجل والتوازن:
مش معنى أن العجلة مش نايمة انها مش في حاجة للفحص. اول حاجة التأكد من ضغط العجلة وأنها مناسبة لدرجة الحرارة. ولازم كمان التأكد من أن مفيهاش اي عيوب زي الشقوق اللي بسببها ممكن العجلة تتقطع على الطريق. فى معظم المحطات اللي فيها فحص على العجل ممكن ظبط التوازن وده مهم جدا على طريق السفر.
٣.التاكد من سلامة العربية:
لو العربية فيها لمبة صيانة اتأكدي إن اللمبة دي مش منورة ولو منورة لازم تروحي مركز خدمة. اتأكدي إن كل حاجة كل العربية شغالة كويس وأنها مبتطلعش أي أصوات غريبة أو عالية.
شوية حاجات بقى تاخدي بالك منها كده لو انتي اللي هتسوقي (وانت برضه خد بالك):
-اتأكدي أن حزام الأمان مقاسة مظبوط. الخطوة الأولى عدلي طول الكرسي وارتفاعه (ومش لازم اللازقة في الدركسيون) واتأكدي إنك شايفة في كل المرايات (شايفة الطريق مش صحابك ومش الناس اللي فى الكنبة اللي ورا واكيد مش الميك اب). بعد القاعدة الصح تيجي مرحلة ظبط الحزام ، عدلي طول الحزام بحيث ميكنش لامس رقبتك.
-وانتي سايقة امسكي الدركسيون كويس من الناحيتين، ايدك اليمين مش على الفتيس ومش على الدركسيون من تحت واكيد اكيد اكيد مش ماسكة الموبايل.
-التزمي بالحارة والسرعات المقررة. لو مفيش علامات عن السرعة المحددة للطريق امشي على سرعة معتدلة تناسب الطريق. الالتزام بالحارة مش معناه انك تمسكي الشمال وانتي ماشية على ستين. خلي بالك انك مش على الطريق لوحدك. جو انا ماشية هنا وهما يعدو من جنبي ده مينفعش ومتلزقيش في اللي قدامك، لو هو سرعته اقل منك ادي إشارة شمال وغيري حارتك (بعد ما تبصي في المراية) وعديه وبعدين ارجعي حارتك تاني (ومتنسيش الإشارة والمراية). وهفاجئك واقوللك اليمين بطيء والشمال سريع ولو اول مرة تطلعي على الطريق متطلعيش لوحدك خلي معاكي حد بيسوق كويس.
آخر حاجة بقى دي قائمة أسعار توتال لكل الحاجات اللي محتاجينها عشان تظبيط الميزانية.
تروحوا وترجعوا بالسلامة :)
٣.التاكد من سلامة العربية:
لو العربية فيها لمبة صيانة اتأكدي إن اللمبة دي مش منورة ولو منورة لازم تروحي مركز خدمة. اتأكدي إن كل حاجة كل العربية شغالة كويس وأنها مبتطلعش أي أصوات غريبة أو عالية.
شوية حاجات بقى تاخدي بالك منها كده لو انتي اللي هتسوقي (وانت برضه خد بالك):
-اتأكدي أن حزام الأمان مقاسة مظبوط. الخطوة الأولى عدلي طول الكرسي وارتفاعه (ومش لازم اللازقة في الدركسيون) واتأكدي إنك شايفة في كل المرايات (شايفة الطريق مش صحابك ومش الناس اللي فى الكنبة اللي ورا واكيد مش الميك اب). بعد القاعدة الصح تيجي مرحلة ظبط الحزام ، عدلي طول الحزام بحيث ميكنش لامس رقبتك.
-وانتي سايقة امسكي الدركسيون كويس من الناحيتين، ايدك اليمين مش على الفتيس ومش على الدركسيون من تحت واكيد اكيد اكيد مش ماسكة الموبايل.
-التزمي بالحارة والسرعات المقررة. لو مفيش علامات عن السرعة المحددة للطريق امشي على سرعة معتدلة تناسب الطريق. الالتزام بالحارة مش معناه انك تمسكي الشمال وانتي ماشية على ستين. خلي بالك انك مش على الطريق لوحدك. جو انا ماشية هنا وهما يعدو من جنبي ده مينفعش ومتلزقيش في اللي قدامك، لو هو سرعته اقل منك ادي إشارة شمال وغيري حارتك (بعد ما تبصي في المراية) وعديه وبعدين ارجعي حارتك تاني (ومتنسيش الإشارة والمراية). وهفاجئك واقوللك اليمين بطيء والشمال سريع ولو اول مرة تطلعي على الطريق متطلعيش لوحدك خلي معاكي حد بيسوق كويس.
آخر حاجة بقى دي قائمة أسعار توتال لكل الحاجات اللي محتاجينها عشان تظبيط الميزانية.
تروحوا وترجعوا بالسلامة :)
Comments