معرض Furnex &The Home نوفمبر ٢٠١٨

النهاردة رحت معرض Furnex & the Homeللمرة الأولى، المعرض ده مهتم بالدرجة الأولى بالأثاث من الصناعة المحلية، والهدف منه السنة دي إنه يعرض المنتجات المصنعة محليا لمصر، لكن مع الدورات القادمة هيركز على تطوير الصناعة دي من أجل التصدير.

الانطباع المبدأى

الانطباع المبدأى عن المعرض إنه لطيف، مقام في أرض المعارض في مدينة نصر. انا وصلت في خلال نص ساعة بس من الافتتاح، وكان هادئ وسهل الوصول إليه. تذكرة دخول السيارة ٢٠ جنيه وتذكرة المعرض نفسه ١٠٠ جنيه تكفي لفردين، إحنا كنا ٣ أشخاص دفعنا ٢٠٠ جنيه برضه، كان الأفضل تكون التذكرة فردية طبعا.

بالنسبة للمعرض نفسه كان مقسم في ٦ قاعات منفصلة ومتصلة، الصالات من واحد إلى خمسة معظمها أثاث حديث واكسسوار والسادسة معظمها أثاث كلاسيكي جدا.

التميز

المميز في المعرض إنه جامع كل أنواع الأثاث والاكسسوار في مكان واحد، وإنه بالطبع في تخفيضات كبيرة جداً على المعروضات. ده غير إن معظم المعروضات من صناعة مصرية 

وبيدي فرصة للزوار للتعرف على ورش وماركات وصناع ممكن ميكونش شافهم او عارف عنهم قبل كده.

الأسعار

معظم الأسعار عليها تخفيضات، ولكن اللي لاحظته إن الأسعار الأصلية مبالغ فيها بعض الشئ خصوصا واني زي ما قلت معظم العارضين من الصناع المحليين، والموبيليا معظمها من الخشب المحلي، معنى كده ان تكلفة الصناعة مش عالية خصوصا وإن التصميمات مش على المستوى العالمي معظمها منقولة من الموضة العالمية لكن مفيش تصميم حقيقي يتدفع فيه فلوس. عشان كده حكمي النهائي على الاسعار انها مبالغ فيها ولكن ده حال السوق بشكل عام ومش مقتصر على المعرض بس.

بشكل عام لو حد مهتم بالديكور والأثاث وعايز يعرف معلومات اكتر عن السوق، او لو حد بيعمل البيت وعايز ياخد فكره عن الاسعار او محتاج مصدر للالهام فالمعرض فرصة كويسة للتعرف على اكتر من مكان لبيع الاثاث في مكان واحد والاستفادة من الخصومات.

في صور من جوه المعرض النهاردة في الستوري على انستجرام:

www.instagram.com/evebyshahi

صفحة المعرض وعليها الموقع والمواعيد:

https://www.facebook.com/furnexandthehome/

#furnexandthehome #furnexthehome #blackfriday #yellowfriday #catering #فرنكس_ذا_هوم #FTH18 #فرنكس_اند_زا_هوم #keepingupwithtrends #everypiecematters #اختار_صح #interiordesign #trade #furnitureexhibition #madeinegypt #egyptiandesigners #furniture #exhibtion #hosting #home #egyptian #homedecoration #homeinspiration #homestyling #homedecor #homeaccessories #designers #furnituremanufacturers #interiorstyling 

#interiorinspo

https://www.facebook.com/furnexandthehome/