إيه هو حمض الهيالورونيك؟ وليه مفيد لبشرتك؟

حقائق تهمك عن حمض الهيالورونيك

إيه هو حمض الهيالورونيك:

أول مرة سمعت فيها كلمة hyaluronic acid اتخضيت منها، ومكنتش متخيلة إنها حاجة أنا ممكن استخدمها على بشرتي في أي وقت، وبشكل عام لأن كان دايماً شائع إن استخدام الأحماض على البشرة شيء في ضرر كبير.
لكن في الحقيقة، إن حمض الهيالورونيك هو مفتاح نضارة البشرة ونعومتها، وهو حمض من الأحماض اللي بتفرزها البشرة بشكل طبيعي في الأصل في محاولة للحفاظ على النضارة والترطيب المستمر للخلايا والأنسجة اللي بتتكون منها البشرة. ولكن بسبب عوامل زي السن والتعرض للبيئة الملوثة وغيرها، ممكن مستويات الحمض ده تقل بشكل كبير من البشرة وانخفاض مستواها بيتسبب في الحساسية وظهور الخطوط والتجاعيد وشكل البشرة غير النضرة. حمض الهيالورونيك موجود كمان في بعض المكياج زي البرايمر Primer لأنه بقلل شكل المسام المفتوحة بمعدل ضخم كبير. كمية صغيرة جداً من حمض الهيالورونيك كافية إنها تحافظ على ٦ لتر مياه في البشرة.
في الحقيقة الحمض ده مش بيستخدم بهدف التجميل فقط، ليه استخدامات كتير من ضمنها علاج المفاصل والجروح وحالات إصابات العيون وجفافها وغيرها كتير.

طريقة استخدام حمض الهيالورونيك (وتلاقيه فين):

حمض الهيالورونيك موجود في منتجات ممكن تكوني بتستعمليها بالفعل زي منتجات Avene أو لاروش بوزاي La Roche-Posay وممكن تشتريه لوحده على شكل سيرم لوحده. مؤخراً مجموعة لوريال أطلقت مجموعة Hyaluron Expert الجديدة، المكونة من كريم النهار وكريم الليل، وكريم للعين وماسك. وهي مزودة بنوعين من حمض الهيالورونيك ممكن تعرفو أكتر عنها هنا.

أما بالنسبة للسيرم فأشهر نوع منه هو The Ordinary وفي أنواع تانية كتير وكلها ممكن استخدامها كجزء من الروتين اليومي لكن أهم شيء هو استخدامها على بشرة رطبة يعني بمعنى أصح بستخدم بعد غسيل الوجه مباشرة وقبل تجفيفه. في ناس كتير بتستخدمه مره تانية قبل المكياج وده عشان البشرة بتكون لسه نقية وبيساعد على الحفاظ على الترطيب داخلها وكمان عشان تقليل شكل المسام، عشان كده في منتجات برايمر كتير فيها مكون حمض الهيالورينيك.