روتين التغلب على تساقط الشعر بعد الولادة

قد تكون الأمومة من أحلى الأشياء اللي حصلتلي في حياتي، وللأسف على مدار عمري كنت بسمع عن قصص الأمهات اللي بتشتكي من أعراض الحمل والولادة وتأثيرهم على الجسم والشعر.

وسمعت كتير عن تساقط الشعر في مرحلة ما بعد الولادة وفعلا جربتها بنفسي، بعد شهرين من الولادة وعلى مدار شهرين كاملين بدأ شعري في التساقط بشكل كبير لدرجة وجود فراغات في راسي وخصوصاً في محيط نمو الشعر حوالين الوجه.

وعلى الرغم من الفيتامينات والتغذية، إلا إن تساقط الشعر في الفترة دي بيكون لأسباب هرمونية. وبالتالي قرار العناية بشعري في الفترة دي كان لمجرد الحد من تأثير التساقط بس، والاستعداد لأنه يرجع لطبيعته بعد ما الأسباب الهرمونية تزول في وقتها.

ولكن الحقيقة إن شعري بعد ما رجع فهو رجع أحسن من الأول بسبب روتين العناية المتكامل واللي كان مكون من أكتر من منتج مع بعض.

في المقدمة وأكتر حاجة فرقت معايا كان كريم هيمالايا ضد تساقط الشعر  الكريم ده بستعمله كحمام كريم قبل غسيل الشعر وبعد كده بستعمل مجموعة "هير بيرست" المكونة من الشامبو والبلسم والفيتامينات لمرة واحدة يومياً.

على مدار السنة اللي فاتت كلها أضفت تدريجياً للروتين مجموعة من الزيوت والسيرم.

روتين العناية بالشعر لمنع التساقط:

الروتين بيبدأ بالخطوة الأولى زي ما ذكرت بحمام كريم هيمالايا. يضاف إليه حمام زيوت من خليط مكون من زيت الخروع وزيت اللوز الحلو وزيت الجرير. الزيوت دي وتحديداً الخروع كان ليها أثر كبير جداً في طول الشعر والزيوت دي كلها متاحة عند العطار أو عند امتنان. وعلى الأطراف ممكن إضافة زيت الأملج.

الخطوة التانية هي غسيل الشعر باستخدام مجموعة شامبو وبلسم Hair Burst، موجودين في الصيدليات الكبيرة وعند سمير ويليام، لكن بديل حلو جداً ليهم كمان مجموعة لوريال Dream Long Straight والمكونة من الشامبو والبلسم وكمان بلسم لاميلار السائل من لوريال. البلسم السائل حل سحري حقيقي للأطراف الجافة.

الخطوة التالتة ودي غالباً الهدف منها إضافة لامعة وحماية لشعري من الحرارة المباشرة، الخطوة دي بتتكون من مجموعة من السيرم والزيت أولها سيرم L'Oreal Paris Elvive Serum Hyaluron Moisture وده بيخلي الشعر يحتفظ بعدها زيت L'Oreal Extraordinary Oil وده مزيج من زيت وسيرم بيعزز لامعة الشعر وبيضيف نعومة بتخلي تصفيفه أسهل بكتير. وأخيراً بخة أو بختين من زيت الشعر المعزز بالأرجان Herbal Essences Hair Oil Blend with Argan Oil and Aloe وكمان ده بيساعد على الترطيب وحماية الشعر من الحرارة.

وأخيراً، روتين العناية بالشعر لا يمكن يكتمل من غير عناية كاملة بالأغذية والفيتامينات وأهم شيء على الإطلاق وهو شرب المياه باستمرار والحفاظ على الجسم مترطب دايماً.